كاطو كلاصي



السلام عليكم هد الكاطو كلاصي معتمداه من سنين تنعملو في الصيف تيجي رائع

المقادير:بسكوي مطحون من الاحسن بيسكوي ماريا كندوب الزبدة وكنسقي بها بسكوي حتى يولي مرمل نجيب مول لي كيتحل من الجناب كنصفف فيه داك بسكوي كنحطو في الثلاجة حتى يقصاح شوية نمشي نوجد الكريم باتسيير ناخد 2 معالق غبرة الكريم باتسيير + 2معالق سكر+ملعقة نشا نخلطهم نزيد عليهم بيضة و 2 كيسان عنبة حليب ونحطهم على عافية مهيلة مع التحريك المستمر حتى يعقاد ونزولو نزيد عليه ملعقة كبيرة زبدة ونحرك مزيان نخليه يبرد بعد دلك نزيدو على البسكوي وندخلو الثلاجة حتى يبرد مزيان ويقصاح الكريم باتسيير نوجد الفلون نجيب ساشي فلون فاني عوض الحليب ندير عصير البرتقال نحطو فوق العافية حتى يسخن مزيان نطفي عليه حتى يبرد نخرج المول من الثلاجة نقطع البنان دوائر ونرصو فوق الكريم يمكنك لكم ترشو شوية اللوز الا كان متوفر ونخوي الفلو بشوية ماتخويوش دفعة واحدة باش ما يخسر لنا الكريم باتسيير وندخلو الكاطو لثلاجة حتى تبرد مزيان وبالصحة والراح

وحدةدرتها بفلو فاني والاخرى بفلو الفريز